Komisionerja e Bashkimit Evropian për Zgjerimin, Marta Kos, ka shprehur reagimin e saj ndaj shqetësimeve të ngritura nga eurodeputetët për protestat që po zhvillohen në Shqipëri, duke theksuar se Brukseli është i informuar për kërkesat e qytetarëve që janë ngritur në rrugë. Gjatë diskutimeve në Parlamentin Evropian, Kos ka bërë një dallim të qartë mes protestuesve që veprojnë në mënyrë të dhunshme dhe atyre që protestojnë me qëllime dhe objektiva të qarta. Ajo theksoi se procesi i integrimit evropian është krijuar për të ndihmuar vendet kandidate të avancojnë, por kjo nuk mund të ndodhë pa përmbushjen e kapitujve dhe reformave të nevojshme.
Një nga çështjet kryesore të përmendura nga Kos ishte kapitulli i mjedisit, i cili e konsideroi si një nga më të vështirët për Shqipërinë në këtë fazë të negociatave. Ajo theksoi nevojën që qeveria shqiptare të rishikojë disa nga amendamentet dhe ligjin për investimet strategjike. Sipas saj, këto janë pikërisht disa nga çështjet që kanë nxitur protestat e qytetarëve në Shqipëri, të cilat janë gjithashtu të evidentuara nga Komisioni Evropian.
Kos theksoi se Brukseli pret një dialog konstruktiv mes qeverisë dhe aktorëve të tjerë të interesit, duke theksuar se dialogu është një element thelbësor i procesit të integrimit evropian, jo vetëm për Shqipërinë, por edhe për vendet e tjera kandidate. Në përfundim, ajo kujtoi se Bashkimi Evropian ka mekanizma të përshtatshëm për të vlerësuar dhe reaguar në rast se një vend kandidat nuk është duke ecur në drejtimin e duhur për përmbushjen e detyrimeve të procesit të anëtarësimit.
Marta Kos shprehu: “Ne e dimë se çfarë kërkojnë protestuesit. Ka dallim mes protestuesve të dhunshëm dhe atyre që kanë nisur të protestojnë me qëllime të qarta. Procesi është ndërtuar në mënyrë që vendi të ecë përpara. Vendi nuk mund të ecë përpara nëse nuk përmbush kapitujt. Kapitulli për mjedisin është ndër më të vështirët në Shqipëri aktualisht. Qeveria duhet të ndryshojë disa nga amendamentet dhe ligjin për investimet strategjike. Kjo është pikërisht ajo që kërkojnë protestuesit dhe ne e kemi shënuar këtë. Ne presim dialog mes qeverisë dhe aktorëve të tjerë, sepse mbi këtë bazohet edhe procesi i integrimit. Kjo vlen jo vetëm për Shqipërinë, por edhe për vende të tjera. Nëse një vend është në procesin e integrimit, ne kemi disa mënyra për të vlerësuar nëse ai nuk po ecën në drejtimin e duhur.”
#MartaKos #Shqipëri #Protesta

